Vun de Sunn

 

 

Vun de Sunn

ded isch gern schreiwe,

vun de Sunn.

 

Vun

de Lederhosse,

vum Barfußlaafe,

vum Zitroneeis

ufm Bodde.

 

Vun de Sunn

muss isch schreiwe,

vun de Sunn.

 

Wie se gonge is

nach jeder Ohrfeig,

wie se mer gfehlt hot

mit de Flasch am Hals

 

Vun de Sunn

ded isch so gern schreiwe

vun de Sunn.

 

Wie se widder ufgonge is,

vum Noiblinzle,

vum Kopp on moiner Schulter:

so rischdisch alles

 

Ja, vun dere Sunn

will isch schreiwe,

weil se widder schoint -

 

jetzt

 

iwer dir

iwer mir. 

 

 

 

© Rolf Höge